د. شريف حسين: 20 خطوة للتعامل مع الموجة الثانية من فيروس كورونا. تعرف عليها
حدد د. شريف حسين إستشارى القلب والقسطرة 20 خطوة للتعامل مع الموجة الثانية من فيروس كورونا
واحفظ العشرون خطوة لممارسة حياتك الطبيعية مع الموجة الثانية من كورونا :
١-متنزلش الا للضروره … أيوه .. يعني خفف نزولك وارجع تاني خد حذرك و اعتبر نفسك محذور نزولك من البيت الى للحجات الضرورية والمهمة وخصوصا مرضى السكر والضغط والقلب والسمنة والأمراض المزمنة
٢- لكن لو يعني عندك شغل او مشوار مهم
وانت نازل بقي للضروره متنساش ماسكك في وشك😷 وكحولك في ايدك 😷واللي يقولك اديني 😠اديله حبه من بعيد ينوبك ثواب😀
٣- هنرجع تاني مش هنحضن مش هنبوس و مش هنسلم على حد وخصوصا صحابك القدام وقرايبك وده لمدة شهور قدام لغاية نهاية الشتاء .
٤-مش هتاكل من الشارع نهائيا الا لو في مكان مضمون اوي اوي اوي وبيعمل احتياطات وتعقيم كويس
وفي الشغل كل واحد له ادواته الخاصه بالاكل والشرب ومفيش الفطار الجماعي بتاع الصبح ده كان زمان دلوقتي بح خلاص احنا داخلين على موجة تانية محدش عارف هنًصل لفين
٥-هنرجع تاني نحافظ علي المسافات بينا متر ونص علي الاقل والكلام ده بيطبق علي اي مكان انت فيه خارج البيت سواء سوبر ماركت او محلات تجاريه او مصلحه حكوميه
٦-معلش هنرجع تاني نستخدم مناديل للعطس والكحه وزي ما تعودنا نتخلص منهم بطريقه امنه
٧-ونعقم ايدينا كويس بالكحول .. وانت خارج البيت دايما ولو قدرنا نغسل ايدينا بالميه والصابون .. يكون افضل طبعا لمده ٢٠ثانيه
وطبعا الكمامه قبل لما نخرج من البيت نكون لابسينها وان امكن معانا اكتر من واحده عشان لو ابتلت تتغير في الحال و نلبسها في الاماكن العامه والمواصلات واماكن الازدحام
٨-وطبعا خلاص المدارس والنوادي فتحت يعني ولادك بعد رجعوهم البيت يتعمقو ويغسلو ايدهم كويس وبلاش اجتماعات كبيرة أو مغلقة الايام دي لغاية منشوف احنا هنوصل لفين
٩-ولو بتتمرن لوحدك او مع أفراد قليلة حاول يكون فيه تباعد بينكم واضح
١٠-وممنوع لبس الماسك اثناء التمرين واثناء ممارسة اي رياضه بشكل عام زي الجري 🏃♂️وركوب العجل 🚴♂️
١١-طبعا الكافيهات والمطاعم شغالة عادي لكن
👈مش هناكل او نشرب فيها نهائيا الا لو بيعقمو كويس وبيحافظو على التباعد ولو في منكم هيرمي نفسه في البحر وعايز ياكل في مطعم مزدحم وينزل كافيهات مزدحمة مش محافظين على التباعد بين الناس لازم ياخد باله ويستخدم ادوات ذات الاستخدام الواحد فقط من اطباق وكوبايات
١٢-ومفيش شيشة حتى لو كان من تحت لتحت لانها 👈أكثر سبب لانتشار العدوي طبقا لمنظمة الصحة
١٤-ولو سمحت ارجع تاني وخذ بالك لو ركبت مواصلات عامه او تاكسي ولاقيت السواق مش لابس كمامه اطلب منه انه يلبسها ولو مرضيش انزل واركب غيرها ساعتها هيخاف علي اكل عيشه وهتجبره انه يلبسها وده امان ليك وله
١٥- طيب لو عايز تاكل جوه المطعم او كافيه 👈لازم ناخد بالنا من وسائل التعقيم في المطعم والعاملين لازم يكونو لابسين كمامات او اطلب منهم يلبسوا لو حد نسى وان شاء الله الناس كلها تكون ملتزمه وخايفه علي نفسها من الموجة الثانية
١٦- لما نرجع بيتنا بالسلامه يوميا اتعود تلمس مقابض الأبواب و زراير الاسانسير بكوعك مش بصوابعك أواستخدم مناديل الورق وخلي منها كثير في جيبك عند العطس بسبب تغيير الجو والتراب .
١٧-نقلع الشوز علي الباب وندخل نغسل ايدينا كويس بالميه والصابون ولو خدنا شاور يكون افضل .
١٨-وطول ما احنا برا البيت نحاول علي اد ما نقدر ايدينا متلمسش وشنا خالص ونعقم ايدينا كويس طول ما احنا برا وخلي عندك شعور دائما ان الفيروس في ايديك ولازم تغسل ايدك على طول
١٩-وطبعا كلنا بنحب أكل الدليفري😍 ناخد بالنا كويس جدا واحنا بنطلب من مكان موثوق فيه اولا واحنا بنحاسب نلبس ماسك وعلي بعد متر ونص وندخل الاكل مكيرويف او فرن كام دقيقه وناكل بعد كده بالهنا والشفا
ونخلي بالنا كويس جدا اثناء التعاملات الماديه وتعقيم الفلوس واليدين جيدا بعد اي تعامل مادي
٢٠- لو هتروح عيادة او مركز طبي او مستشفى لازم تكون عند الضرورة فقط وناخد بالنا من التباعد والتعقيم والماسكات وعقم الكراسي قبل وبعد جلوسك على كراسي الانتظار وتروح للدكتور لوحدك أو معاك مرافق واحد فقط .
🔴وأخيرا خد بالك وركز على مفتاح المناعة :
👈الأكل الصحي وشرب السوائل
👈النوم الكافي
👈وممارسه الرياضه
👈واهم حاجه الحاله النفسيه الجيده
👈وحسن الظن بالله ويقينا بان الله لن يضيعنا
