تعرف على:المعلومات الخاطئه التى ساهمت فى ركود سوق السيارات المستعمله
مفيش حاجه اسمها العربية ال 99 احسن من ال 2015 ..ومفيش حاجه اسمها المرسيدس القديم انضف من الجديد …مفيش حاجه اسمها ” اصل القديم مكانشي فيه حساسات كتير ” ..مفيش حاجه اسمها اشتري عربية ب 100.000 جنيه من 5 سنين وابعها ب 120.000 أيوة فيه تضخم و كل حاجه بس فيه حاجه اسمها نسبه و تناسب مش عربية تتهلك عشر سنيين وتتباع اغلى من تمنها
مفيش حاجه اسمها الميتسوبيشي البومه انضف من الشارك ..ماهو يا جماعة المهندسين اللي قاعدين في مراكز التصميمات بيعدلوا من موديل لموديل وواخدين 900 دكتوراه لو سمعو الكلمتين دول هيجى ليهم شلل
فيه حاجه اسمها الكريستاله صيانتها اسهل من القرش في المدن الصغيرة اللي مفيهاش ميكانيكيه متخصصين و قطع غيارها ارخص … و ال بي ام فانوس الاشاره فيها ب 1500 جنيه ومرسيدس فانوس الاشاره بس بتمن عربية لادا …و دا طبيعي بس مستحيل تبقي ال اي ثيرتي انضف المرسيدس يعني و لا الكريستاله انضف من القرش عشان مافيش حاجه اسمها العربية راشه نضافه …انا بايع عربيتين قبل كدا اللي بيشتري الاولانيه قولتله العيوب اللى فيها وفيها حساس كرنك بيعلق
وادي المفاتيح و الرخص و كروت كل الميكانيكيه بتوعها و قطع الغيار و لما تكلمهم
قولهم من طرفي و التانيه الفورد قولتلهم كفرت منها و بقولك ما تشتريهاش …و ما خسرتش حاجه علي فكرة بعتها بتمنها اللي المفروض تتباع بيهو معتقدشي حد دعا عليا عشان مفيش حاجه اسمها كسر زيرو عامله 90.000 كيلو
كسر الزيرو مغيرتشي زيتومافيش حاجه اسمها عربية نادرة … النادرة دي يعني زي الماكلارين اف وان
اتعمل منها 40 عربية … مش بي ام موديل حاجه و ستين منها 500.000عربية
ومفيش حاجه اسمها استعمال طبيب و سيده و تبقي زي اوبشن كدا عايز عربية نضيفه اشتري استعمال صنايعى او ميكانيكي مافيش عربية ع وجه الارض بيعدي عليها 30 سنه بحاله الزيرو ده صاج ياجدعان بس ممكن تلاقى في جراش فان ديزل دا رأي شخصي و اي تشابه بينه وما بين الواقع من قبيل الصدفه مليش علاقه بيه عشان مافيش ماركه اسمها اعظم ماركه في العالم و انضف العربيات و لا بي ام و لا الهوندا و لا الجولف و لا اللانوس و لا المرسيدس ولا الفيرنا ..
بس فيه حاجه اسمها لو اعتنيت ب 128 هتسترك .. و لو فشخت بي ام الفئه سابعه هتبيعك اللي وراك و اللي قدامك تصليحات و هتكسفك
كلام تاني واخير: يكفيكو شر الحوادث .. و يكفيكو شر فتحه الاير باج ..و يكفيكو شر شعب بيروح لكهربائي بيفصله الاير باج عشان لو خد خبطه من قدام ما يلبسشي تمن تابلوه جديد .. و يكفيكو شر اللي بيروح لسروجي يشد فرش السقفو يحط حديده يشد عليها القايم فوق ايرباج القايم عشان شكلها يبقي احلي فترشق الحديده دي في صدره لو اتفتحت … و يكفيكو شر اللي بيفصل ABS عشان بيحس ان العربيه بتتكسر لما بيدوس فرامل جامد فيلاقيها بتدقدق في الارض . ومفيش حاجه اسمها مارشتها بره ولا رشه حزام ولا مرشتش حوض ولا مرشتش
دواخل كل ده كلام فاضى بعد مابتاخدها سبحان اللهبتطلع فى امها البدع وبترش كل ده
