نشارك في مناسبة قومية بمناسبة مرور عام علي تفعيل وافتتاح قناة السويس الجديدة .. بمتحف احمد شوقي ( كرمة بن هانئ ) .. وما نلاقيش درع او ميدالية .. او حتى ورقة مكتوب عليها اسماء المشاركين ( شهادة تقدير ) .. ولا حتي ورقة ( بروشور) مطبوع وجه واحد !!!!!!!!!!!!!
انا مش فاهم بجد .. عيب اوي بمناسبة بالحجم ده وفي المكان ده .. ما يكونش فيه حتي ورقة شهادة اوبروشور ليسجل بيها الفنانين انهم شاركوا في المناسبة القومية دي !!!!!!!
حاجة تكسف وتخجل بصراحة والله .. انتم عارفين ان الورقة دي بتطبع بــ 1.75 قرش !!! وكبيرها لو طبعت بسعرغالي جدا .. تكون بــ 2 جنيه !!!!!!! بس !!!!!!!!
ولما سالت قالولي ههههههههههههه .. طبعا والله لازم اضحك بجد .. قالولي ان مافيش ميزانية للمطبوعات حاليا هههههههههههههههههههههههههههههههه ..
بجد مافيش 2 جنيه * 50 فنان = 100 جنيه .. بجد حاجة توضح مدى المصيبة الكارثية اللي احنا فيها .. انا متبرع للقطاع بــ الـ 100 جنيه دي ومش عايزها تانيتقديرا لظروفكم الوحشة دي ( الناس لبعضها برضه ) .. واطبعوا شهادات وانا حاجي ادفع المبلغ ده بكل سرور .. والله باتكلم جد .. مش هزار …
انت عارف يا مسئول الفنان عشان يعمل لوحة مخصوص للمناسبة دي بتكون اقل تكلفة ليه لانجاز لوحته وسمها وبروازها ونقلها مرتين من والي من مرسمه الي موقع المعرض مرتين بيتكلف كام .. علي اقل تقدير .. مش اقل من 2000 جنيه .. ناهيك عن وقته وعن قيمة العمل فنيا .. يقوم يتهان كده وباستهتار واستخفاف !!!!!!! ايه البرود ده !!!!!!
علي فكرة وشهادة لله ان الاستاذة شيماء – تعبت ودعت الفنانين ونسقت تعليق اللوحات وعملت اللي عليها ومافيش في ايدها طبعا غير انها تطلبتكريم للمشاركين وبس .. والتنفيذ علي اولى الامر للاسف .. طبعا مافيش فكر ولا رؤية ولا حسن تصرف ..
حسبي الله ونعم الوكيل بجد .. بتقتلوا الفرحة في قلوب الفنانين .. والمفروض انكم تعملوا العكس خالص .. لانكم موظفين في الدولة من اجل الفن والفنانين .. وليس العكس …
